| ORANJESTAD Huisartsenpost Oranjestad (Horacio E. Oduber Hospital) T: 5274000 Dialuna – diabierna: 06:00-10:00 pm Diasabra + Diadomingo: 09:00 am-01:00 pm & 06:00-10:00 pm SAN NICOLAS IMSAN of Huisartsenpost Oranjestad |
| ORANJESTAD Benu Botica Kibrahacha Bubali 141 A T: 5834908 SAN NICOLAS Botica Aloe Pos Chikito 83 T: 5844606 |
Sea informa encuanto e proceso di Carta di AO via e flyer aki!
Pa keda na altura di noticia di nos dokternan di cas di Aruba, tambe por “Like & Follow” nos pagina di Facebook HAVA Aruba.
Bo a wak e foyeto aki den consultorio di bo dokter di cas? E ta contene informacion di e sistema di monitoreo di malesanan infeccioso. E proyecto aki ta un colaboracion entre e instituto di investigacion di Hulanda, Nivel, y e dokternan di cas na Aruba
Bo ta informa caba di e cambionan riba e lista di remedi cu AZV ta cubri y cu lo ta na vigor desde prome di october 2022?
Pa book pa un test pa Covid-19 cu e Aruba Health App, “primi aki” pa mas informacion.
HAVA ta traha den colaboracion estrecho cu e Departamento di Salud Publico na Aruba (cu ta e traduccion di e palabra hulandes “Directie Volksgezondheid”, DVG) relaciona cu e situacion di Covid-19 na Aruba. Pa e ultimo noticia relaciona cu e corona virus, keda pendiente di nos website of nos pagina di Facebook @huisartsenaruba.
JUNI 2023 | Desde 1 di juni, Dokter Every a stop di traha como dokter di cas pa por cuminsa gosa di su pensioen. E dokternan nobo cu lo sigui brinda un servicio di cuido primario profesional ta Dr. Essed y Dr. Bislip.
MAART 2023 | Aruba tin dos dokter di cas nobo. Frederika Rangel y Kiana de Lannoy a termina recientemente e huisartsenopleiding na Aruba. HAVA ta desea nan hopi suerte cu nan carera.
OKTOBER 2022 | Koemarie Ramautar, MD a stop como dokter di cas na Aruba 1 di oktober y ta bai disfruta di un pensioen merecidamente. Su remplasante temporario, te ora tin un dokter di cas permanente, ta Hernandez, MD.
AUGUSTUS 2022 | Monitoreo di malesanan infeccioso na Aruba.
Kisas bo por a wak e poster den e oficina di bo dokter di cas? Dokternan di cas di Aruba ta
trahando hunto cu e instituto di investigacion di Hulanda, Nivel, pa por elimina efectivamente
malesanan infeccioso aki na Aruba. Pa por realisa esaki na Aruba lo crea un sistema digital- mescos
cu na Hulanda- pa monitor con e malesanan infecccioso ta plama: Red di Registro di Dokter di Cas
di Aruba. Cu e informacion cu wordo colecta cu e red aki, malesanan infeccioso por wordo señala
na tempo cu asina por tuma e medida specifico pa elimina e malesa aki. Asina por alcansa un
mihor salud publico na Aruba.
JULI 2022 | Cynthia Wijngaarde, MD a stop cu su consultorio na Aruba desde 1 di juli y ta continua su carera na Hulanda. Su pashentnan awor ta registra na e consultorio HOED (Dokternan di Cas bou di un dak) y e cambio pa HOED ta wordo procesa automaticamente. Informacion di contacto di e consultorio HOED ta disponibel riba nos website bou di e tab “Informacion dokternan di cas”.
MAART 2022 | www.havaruba.org ta e website nobo di e dokternan di cas. Compila informacion na un manera facil y accesibel (Fuente: AZV Pulso Magazine, maart & april 2022, edicion 51, pagina 6).
Pulso Magazine – Algemene Ziektekosten Verzekering (AZV)Algemene Ziektekosten Verzekering (AZV)
JANUARI 2022 | Stakeholders, inluyendo HAVA, ta firma protocol pa colabora en conexion cu cuido di salud mental (Fuente: Grupo di media local NPC, 12 di januari 2022). Primi riba e siguiente boton pa por lesa mas.
SEPTEMBER 2021 | Na final di september 2021, Aruba a introduci AruBIG (e registro di Aruba pa e Profesionnan den Salud Publico). Esaki ta un registro online, publico y estableci pa ley.
HAVA, un abreviacion di “Huisartsen Vereniging Aruba” cu ta e traduccion den hulandes pa e asociacion di dokternan di cas na Aruba, ta representa e interesnan comun y ta fungi como e vocero di e dokternan di cas. HAVA, como organisacion oficial ta activo desde 1982. Nos organisacion tin como obhetivo pa uni, fortalece y representa e dokternan di cas. Al momento esakinan ta mas cu 40 profesional y tur ta miembro di HAVA.
E dokter di cas tin un rol importante ora ta trata di salud publico y e ta e prome punto di contacto pa e pashentnan. Como parti di e trabou esencial aki, nos, como HAVA, ta brinda un apoyo amplio y profesional na nos miembronan.
E dokternan di cas di HAVA ta reuni pa discuti actualidad riba tereno medico y politico y tambe pa formula hunto punto di bista cu mira pa desaroyo structural y positivo pa cuido di pashent y pa e posicion di e dokter di cas den e arena di salud publico.
Cu e objetivo pa tin e miho conexion posibel cu organonan di consulta internacional, HAVA ta traha a base di e indicacionnan di “Nederlandse Huisartsen Genootschap” (NHG).
E podcast “Chasing Health” ta un programa cu ta cubri un scala amplio di temanan relaciona na cuido y salud. Tur diahuebs pa 8:00 pm (ora di Aruba) por scucha un episodio nobo.
“Chasing Health” ta un colaboracion entre HAVA, DVG y Ministerio di Turismo y Salubridad.
“De huisartsenzorg op Aruba: gezien vanuit de bevolking, de patiënten en de zorgverleners”
(“E cuido di dokter di cas na Aruba: desde e punto di bista di e poblacion, pashentnan y dunadornan di cuido”)
E estudio (2021, na hulandes) ta ofrece un bon bista di e cuido primario na Aruba y ta duna conseho di con por fortalece esaki mas.
