HAVA ta comprometi na control di calidad di cuido cu e dokternan di cas ta brinda e poblacion di Aruba.

E dokternan di cas di HAVA tin como obhetivo pa brinda cuido primario optimal y efectivo na e pashent cu ta desea tratamento.

Si e situacion surgi cu abo como pashent tin keho di e trabou di bo dokter di cas, e organisacion di su consultorio, e forma cu un empleado ta papia cu bo of ta trata bo, nos ta pidi pa bo comunica esaki na bo dokter di cas mas lihe posibel.

Despues bo dokter lo contact bo mas lihe posibel.

Mayoria dokter di cas di HAVA ta afilia na e ‘Klachtencommissie Huisartsen’, cu ta significa na hulandes comision di keho encuanto practica di dokternan di cas.

Si abo como pashent no ta sinti bo suficientemente scucha pa bo dokter di cas, of bo no ta desea of no ta durf di contact bo dokter directamente, bo por presenta bo desatisfaccion cu e tratamento of e afhandeling di bo keho na e comite.

Bo por manda un email a traves di klachtencommissiearuba@gmail.com.